ಸಾಮಾನ್ಯ ಜ್ಞಾನ ಕ್ವೀಜ್ 8

ನಟವರ್ ಸಿಂಗ್: (ನಟವರ್ ಸಿಂಗ್ ಬರೆದಿರುವ ಈ ಪುಸ್ತಕವನ್ನು ಭಾರತದ ಉಪರಾಷ್ಟ್ರಪತಿಗಳಾದ ಹಮೀದ್ ಅನ್ಸಾರಿಯವರು ಇತ್ತೀಚೆಗೆ ಬಿಡುಗಡೆಗೊಳಿಸಿದರು. ನಟವರ್ ಸಿಂಗ್ ರವರು ಭಾರತದ ಮಾಜಿ ವಿದೇಶಾಂಗ ಸಚಿವರು)

ಮೊರಾರ್ಜಿ ದೇಸಾಯಿ:(ಮೊರಾರ್ಜಿ ದೇಸಾಯಿಯವರು 10 ಬಾರಿ ಬಜೆಟ್ ಮಂಡಿಸುವ ಮೂಲಕ ಅತಿ ಹೆಚ್ಚು ಬಾರಿ ಬಜೆಟ್ ಮಂಡಿಸಿದವರು ಎಂಬ ಹಿರಿಮೆಯನ್ನು ಹೊಂದಿದ್ದಾರೆ. 2013-14 ನೇ ಸಾಲಿನ ಬಜೆಟ್ ಚಿದಂಬರಂ ರವರ ಪಾಲಿಗೆ 8 ನೇ ವಾರ್ಷಿಕ ಬಜೆಟ್. ಭಾರತದ ಮಾಜಿ ಪ್ರಧಾನ ಮಂತ್ರಿಗಳಾದ ಮೊರಾರ್ಜಿ ದೇಸಾಯಿಯವರ ನಂತರ ಅತಿ ಹೆಚ್ಚು ಬಾರಿ ಬಜೆಟ್ ಮಂಡಿಸಿದ ಹಣಕಾಸು ಮಂತ್ರಿ ಚಿದಂಬರಂರವರು. ರಾಷ್ಟ್ರಪತಿಗಳಾದ ಪ್ರಣಬ್ ಮುಖರ್ಜಿ, ವೈ.ಬಿ.ಚವಾಣ್, ಯಶ್ವಂತ್ ಸಿನ್ಹಾ ಮತ್ತು ಸಿ.ಡಿ.ದೇಶಮುಖ್ ರವರು 7 ಬಾರಿ ಬಜೆಟ್ ಮಂಡನೆ ಮಾಡಿದ್ದಾರೆ)

ಮೆಡೆಲಿನ್: (ಕೊಲಂಬಿಯಾದ ಮೆಡಿಲಿನ್ ನಗರ ವಿಶ್ವದ “ನವೀನ ಪರಿಕಲ್ಪನೆಗಳ ನಗರ” ಎಂಬ ಶ್ರೇಯಕ್ಕೆ ಪಾತ್ರವಾಗಿದೆ. ಕೊಲಂಬಿಯಾ ದೇಶದ ಎರಡನೇ ಅತಿ ದೊಡ್ಡ ನಗರವಾದ ಮೆಡಲಿನ್ ನಲ್ಲಿ ಸಾರಿಗೆ ವ್ಯವಸ್ಥೆ, ಪರಿಸರ ನಿರ್ವಹಣೆ ಮತ್ತು ಮೂಲಭೂತ ಸೌಕರ್ಯಗಳು ಅಚ್ಚುಕಟ್ಟಾಗಿರುವ ಕಾರಣ ಇದನ್ನು “ನವೀನ ಪರಿಕಲ್ಪನೆಗಳ ನಗರ” ಎಂದು ಪರಿಗಣಿಸಲಾಗಿದೆ. ನವೀನ ಪರಿಕಲ್ಪನೆಯ ವಾರ್ಷಿಕ ಸ್ಪರ್ಧೆಯಲ್ಲಿ ಈ ನಗರವು ನ್ಯೂಯಾರ್ಕ್ ಮತ್ತು ಟೆಲ್ ಅವೀವಾ ನಗರಗಳನ್ನು ಹಿಂದಿಕ್ಕಿದೆ)

ನೇಹಾ ರಾಮ್: (ಭಾರತ ಮೂಲದ 12 ವರ್ಷದ ಬಾಲಕಿ ನೇಹಾ ರಾಮ್ ರವರು ಬ್ರಿಟನ್ ನಲ್ಲಿ ನಡೆದ ಬುದ್ಧಿ ಲಬ್ಧ ಪರೀಕ್ಷೆಯಲ್ಲಿ ಅಸಾಮಾನ್ಯ ಪ್ರತಿಭೆ ತೋರುವ ಮೂಲಕ ಬ್ರಿಟನ್ ನಲ್ಲೇ ಅತ್ಯಂತ ಬುದ್ದಿವಂತಳು ಎನಿಸಿದ್ದಾರೆ. ಈ ಪರೀಕ್ಷೆಯಲ್ಲಿ ನೇಹಾ ರವರು 162 ಅಂಕಗಳನ್ನು ಗಳಿಸಿದ್ದಾರೆ. ಈ ಹಿಂದೆ ಐನ್ ಸ್ಟೇನ್ ಮತ್ತು ಖ್ಯಾತ ವಿಜ್ಞಾನಿ ಸ್ಟೀಫನ್ ಹಾಕಿನ್ಸ್ ರವರು 160 ಅಂಕಗಳನ್ನು ಗಳಿಸಿದ್ದರು)

ರಷ್ಯಾ:(ಕ್ಷಿಪಣಿ ರಕ್ಷಣಾ ವ್ಯವಸ್ಥೆ ಮತ್ತು ಅವುಗಳ ಬಳಕೆಯನ್ನು ಉಭಯ ದೇಶಗಳ ನಡುವೆ ನಡೆಸದಂತೆ ಸಹಕಾರ ಕೋರುವ ಒಪ್ಪಂದಕ್ಕೆ ಆಮೆರಿಕಾ ಮತ್ತು ರಷ್ಯಾ ಪರಸ್ಪರ ಸಹಿ ಹಾಕಲು ಸಿದ್ದವಾಗಿವೆ. ಉಭಯ ದೇಶಗಳ ಅಧ್ಯಕ್ಷರು ಈ ಒಪ್ಪಂದಕ್ಕೆ ಸಹಿ ಹಾಕಲು ಸಮ್ಮತಿ ಸೂಚಿಸಿದ್ದಾರೆ)

ಪಾರ್ಥ ಸಾರಥಿ ಶೋಮ್ ಸಮಿತಿ:(ಸಾಮಾನ್ಯ ತೆರಿಗೆ ಪ್ರವೃತ್ತಿ ತಡೆ ನಿಯಮಗಳಿಗೆ ಸಂಬಂಧಿಸಿದಂತೆ ಪ್ರಮುಖ ಅಂಶಗಳನ್ನು ಶಿಫಾರಸ್ಸು ಮಾಡವಂತೆ ಸರ್ಕಾರ “ಪಾರ್ಥ ಸಾರಥಿ ಶೋಮ್” ರವರ ನೇತೃತ್ವದಲ್ಲಿ ಸಮಿತಿಯನ್ನು ರಚಿಸಿದೆ. ಈ ಸಮಿತಿಯು ತನ್ನ ಶಿಫಾರಸ್ಸಿನಲ್ಲಿ GAAR ನ್ನು ಮುಂದಿನ ವರ್ಷದ ನಂತರ ಜಾರಿಗೊಳಿಸುವಂತೆ ತನ್ನ ವರದಿಯಲ್ಲಿ ಸೂಚಿಸಿದೆ. ಅದರಂತೆ GAAR ನ್ನು ಏಪ್ರಿಲ್ 2016 ರಿಂದ ಜಾರಿಗೊಳಿಸಲು ಸರ್ಕಾರ ತಿರ್ಮಾನಿಸಿದೆ)

ಆಮೆರಿಕಾ: (ದೆಹಲಿಯ ಬಸ್ಸಿನಲ್ಲಿ ಸಾಮೂಹಿಕ ಆತ್ಯಾಚಾರಕ್ಕೆ ಒಳಗಾಗಿ ಜೀವ ತೆತ್ತ ದೆಹಲಿ ಪ್ಯಾರಮೆಡಿಕಲ್ ವಿದ್ಯಾರ್ಥಿನಿ “ನಿರ್ಭಯ” ಗೆ ಆಮೆರಿಕಾದ “ಇಂಟರ್ ನ್ಯಾಷನಲ್ ವುವೆನ್ ಆಫ್ ಕರೇಜ್ ಆವಾರ್ಡ್-2013 (International Women of Courage Award)” ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ)

ಮಂಗೋಲಿಯಾ:(ಮಹಿಳಾ ವಿಶ್ವಕುಸ್ತಿ ಕೂಟವನ್ನು ಮಂಗೋಲಿಯಾದಲ್ಲಿ ಆಯೋಜಿಸಲಾಗಿತ್ತು. ಈ ಕೂಟದಲ್ಲಿ ಭಾರತ ಮಹಿಳಾ ತಂಡದವರು ಐದನೇ ಸ್ಥಾನವನ್ನು ಪಡೆದರು. ಭಾರತದ ಪರ ಗೀತಾ ಫೊಗಟ್ ರವರನ್ನು ಹೊರತುಪಡಿಸಿ ಇತರೆ ಸ್ಫರ್ಧಿಗಳು ನಿರೀಕ್ಷಿತ ಪ್ರದರ್ಶನವನ್ನು ತೋರದ ಕಾರಣ ಭಾರತ ಐದನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಳ್ಳಬೇಕಾಯಿತು)

ರಫೆಲ್ ನಡಾಲ್: (ಗಾಯದ ಸಮಸ್ಯೆಯಿಂದ ಬಳಲಿ ಚೇತರಿಸಿಕೊಂಡಿರುವ ರಾಫೆಲ್ ನಡಾಲ್ ರವರು ತಮ್ಮ ಅಮೋಘ ಪ್ರದರ್ಶನದಿಂದ ಮೆಕ್ಸಿಕನ್ ಓಪನ್ ಟೆನ್ನಿಸ್ ಟೂರ್ನಿಯಲ್ಲಿ ಚಾಂಪಿಯನ್ ಆದರು. ಈ ವರ್ಷದಲ್ಲಿ ಇದು ನಡಾಲ್ ಗೆಲ್ಲುತ್ತಿರುವ ಎರಡನೇ ಪ್ರಶಸ್ತಿ. ಫೈನಲ್ ಪಂದ್ಯದಲ್ಲಿ ಮಾಜಿ ನಂ.1 ಆಟಗಾರ ನಡಾಲ್ 6-0, 6-2 ನೇರ ಸೆಟ್ ಗಳಿಂದ ಮೂರು ಬಾರಿಯ ಹಾಲಿ ಚಾಂಪಿಯನ್ ತಮ್ಮದೇ ದೇಶದ ಡೇವಿಡ್ ಫೆರರ್ ರವರನ್ನು ಸೋಲಿಸಿ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡರು)

ಬಿಲ್ಲುಗಾರಿಕೆ: (ಟಾಟಾ ಸ್ಟೀಲ್ ಸಂಸ್ಥೆಯ “ವರ್ಷದ ಕ್ರೀಡಾ ಪಟು” ಗೌರವಕ್ಕೆ ಪ್ರಸಿದ್ಧ ಬಿಲ್ಲುಗಾರ್ತಿ ದೀಪಿಕಾ ಕುಮಾರಿ ಆಯ್ಕೆಯಾಗಿದ್ದಾರೆ. ಸಂಸ್ಥೆಯ ಸ್ಥಾಪಕ ಜೆ.ಎನ್. ಟಾಟಾ ಅವರ 174 ನೇ ಜನ್ಮ ದಿನಾಚರಣೆಯ ಸಂದರ್ಭದಲ್ಲಿ ದೀಪಿಕಾಗೆ ಈ ಗೌರವ ನೀಡಲಾಯಿತು. ದೀಪಿಕಾ ಕುಮಾರಿ ಸತತ ಮೂರನೇ ಬಾರಿ ಈ ಗೌರವಕ್ಕೆ ಪಾತ್ರರಾಗಿದ್ದಾರೆ)